Hadien ba la ia lympat, kwah thaw EC ki seng riewlum

Shillong, 07 Rymphang:
Watla ki seng riew lum kim iateh lok shwa ka elekshon hynrei ki don ka jingthmu ban ia ka thaw ia ka EC ha KHADC hadien ka elekshon bad kane ka long kumba ia lympat shwa ha ka elekshon bad sa ia kdup pat hadien.
Na ka liang ka UDP ka pdiang ia ka jingtyrwa ka KHNAM ban ia thaw ia ka executive committee (EC) bad kiwei ki para seng riewlum hadien ka elekshon MDC.
“Ha ka jingshisha ngi la pynsngew ia ka jing kwah jong ngi sha u nongialam ka HSPDP u Bah Hoping Stone Lyng doh ban thaw noh ia ka EC hynrei haduh mynta ngim pat ioh ia ka jubab”, la ong u Secretary ka UDP u Bah Allantry F Dkhar.
Hynrei ka la mih ka jingkylli kumno ki seng riewlum kin thaw ia ka EC hadien ka elekshon haba ia lympat shwa ha ka elekshon.
U la ong ba ka party kan sap hah biang ia ka jingthoh biang sha u nongialam ka (HSPDP) halor kane ka jingthmu.
“Ngi khmih mynta ba ngin ioh ia ka jubab kaba bang na u nongialam ka HSPDP”, la ong u Bah Dkhar.
U Secretary ka UDP u la pynpaw ia ka jing sngewtynnadia ka jingai jingmut jong ka KHNAM.
Kham mynshwa ka KHNAM ka la pynpaw ia ka jingkwah ban ia thaw ia ka EC hadien ka elekshon ha ka KHADC.
Watla ngim pat lah ban iatehlok shwa ka elekshon para seng riewlum hynrei ka party kan iakren kloi halor kane ka jingthmu ban khanglad ia ka Congress ba kan thaw ia ka EC hadien ka elekshon,” la ong u President ka KHNAM u Bah Pyndapborthiaw Saibon.