Ka Manchester United, ka ia khaid hynnin ka sngi, ha ka jing ia khun jongka, pyrshah ia ka Southampton da 2-2 ha ka jingialehkai jong ka English Premiere League. La thep ia ki kol, na ka liang ka United da U Lukaku, ha ka minit kaba 33 bad nangta sa U Herrera ha ka minit kaba 39, katba na ka liang ka Southampton, la thep da U Armstrong ha ka minit kaba 13 bad U Cedrid ha ka minit kaba 20.
U Romero Lukaku, ha ka por ba u ioh thep kol na ka Manchester United
Ha kawei pat ka jingialehkai ka Manchester City, ka la jop da 3-1 ha ka jingialeh pyrshah ia ka Bournemouth, ha kaba ia ki kol na ka liang jong ka City, la ioh thep da U Silva ha ka minit kaba 15 bad nangta sa U Sterling ha ka minit kaba 57 bad U Gundagon ha ka minit kaba 80, katba ia ka Southampton la ioh thep da U Wilson ha ka minit kaba 44.
Haduh mynta ka Manchester City, ka dang wan ha jrong duh, da kaba ka ioh 38 point, katba ka Liverpool, ka wan ba ar da 33 point bad ka Tottenham Hotspur kaba wan ba lai da 30 point bad ka Chelsea, ka wan ba saw da 28 point.
Ha kawei pat ka jingialehkai ha Serie A, ka Juventus, ka la jop da 3-0 ha ka jingiakhun pyrshah ia ka Fiorentina. Ia ki kol, la ioh thep da U Rodrigo Bentancur ha ka minit kaba 31 bad nangta sa U Giorgio Chiellini ha ka minit kaba 69 bad U Christiano Rolando, uba ioh thep da ka shut penalty ha ka minit kaba 79.