|
Shillong: Ka Meghalaya ka la bat nam tam ha ka sien balai jong ka jingialehkai Ranji Trophy hadien ba ka la pynliem ia ka Manipur da 9 wicket ha ka plate group kaba long mynta ka sngi ha Kolkata.
Ha kawei ka lumpung jong ka U-23 Col CK Nayudu Trophy, la sakhi ha kaba 17 wicket la hap ha ka sngi sdang. Ha ka jingiakhun ha Kolkata, ka Manipur ka la bteng na ka jingialehkai kaba ar ha ka sngi kaba lai ha kaba ka la kamai kham mynshwa 125/8, da kaba bat nam tam 10 ron. Ka Manipur ka la shah pynhap lut tang ha ka 172. Ka Meghalaya kaba donkam ban beh tang ha ka 58 ron ka la lah da kaba suk ban pyndep tang ha ka 11.1 over. Ha ka jingialehkai ka U-23 Col CK Nayudu Trophy ka plate group kaba sdang mynta ha madan ka MCA, Shillong, ka Manipur ka la buh jingeh bha ia ka Meghaalaya. Ka Manipur ka la kamai 126 hynrei ka Meghalaya ka la shem jingeh ha kaba ka la lah ban kamai tang 92/7 bad duna sa 34 ron. |
