Nongstoiñ: Ka lympung ialehkai kynjatbol kaba kham heh hapoh jong ka West Khasi Hills District, kaba la tip Kum ka 2nd Invitation Knock Out Football Tournament 2018 – 19 bala pyniaid da ka New Nongstoin Sport Social & Cultural Club (NNSSCC) yn sdang noh mynta ka sngi.
Na ka liang jong ka NNSSCC ka la pyntip ruh ba ia katei ka lympung yn wan ban plie pyrda da u MLA ka Nongstoiñ u bah Macmillan Byrsat, bad ki kynhun ki ban iakhun nyngkong eh ha katei ka lympung kinnlong hapdeng ka Nongkrem SC na East Khasi Hills pyrshah ia ka Kith United FC na West Khasi Hills District.
Shuh shuh la iathuh ruh ba ka jingialehkai kan sdang ha ka por 1.00Pm ha ka madan New Nongstoiñ bad lah ruh ban pynkynmaw ba ia katei ka lympung ka khusnam kan long da ka song pisa kaba 5 lak tyngka kynthup ia ka kynhun ka ban rah ia ka nam duh bad ia kaba wan ba ar.
Kumta na ka liang jong ka NNSSCC ka khot ka wer ia baroh ki paid riew ieid phutbol jong ka thaiñ ba kin wan ban sakhi dala ki jong ki khmat ia katei ka jingiakhun bad lah ruh ban ong ba ka jingiakhun khlem pep kan long kaba itynnad bha.