|
Shillong: U Dr Vikash Gupta uba dei u Ward Commissioner Shillong Cantonment u la pdiang sngewbha ia ki nongialehkai kiba la wanrah khusnam na ka lumpung Muythai National Championship 2018 ha ka jingialang kaba long ha Assembly Hotel, Shillong dang shen.
Ki nongialehkai ka Meghalaya ki la rah bun ki khusnam na ka lumpung kaba pynlong da ka United Amateur Muaythai Association of India (UAMAI) kaba long Pathare Stadium, Pune Maharashtra naduh 15 – 18 tarik Naiwieng 2018. Ka Meghalaya ka la rah khusnam 5 takma ksiar, 3 takma rupa bad 2 takma rnong. Kiba rah khusnam ki long ka Narimon Nongrum hapoh 38 kg, Monica Nongrum hapoh 63.3 kg , Ishadora Thongni hapoh 45 kg. U Mightyson Nonglang hapoh 48 kg, Blaseibok Kharbuli hapoh 45 kg bad Alfred Watklet Riahtam hapoh 42kg, Babit Kharsahnoh hapoh 45 kg bad Dauni Nongrum hapoh 54 kg. Ka Evinstar Nongspung hapoh 56 kg bad Tonroi Suting hapoh 51kg. |
