Shillong: U Shri Moses Lalbinzuala u la ujor pulit ba ha ka 19 tarik mynta u bnai u la ioh message ha mobile phone jong u bad la pyntip ba u la jop ha ka jingiakob ka Snapdeal bad tang hadien shi kynta u la ong ba la don ba phone ia u ba u dei ban thep pisa T.8500, hadien T.40,000 bud sa T.20,000 bad khadduh T.32,400 bad dei hangtei ba u sa sngewthuh ba u la shah thok. La batai ia u ha ka phone ba kitei ki pisa kiba u thep ki dei na ka bynta ka Insurance, ka bai wanrah ia ka kali Mohendro Mahto kaba u la jop khalai nusip.