|
Shillong: U Bah Aloysius Papang na ka shnong Shangpung, West Jaintia Hills District khun jong ka kong Ebi Mary Papang, u ba la kha bad la heh la san ha ka dong Ladthalaboh (Tyndowapung) jowai uba shong ba sah mynta ha Bishop Falls Lower Mawprem Shillong u lah leit shim bynta, kum uwei na ki nongthoh poetry jong ka pyrthei ban mihkhmat ia ka India ha ka jingialang bah jong ki nongthoh poetry jong ka pyrthei ia ka ba lah tip kum.ka International Multilingual Poet’s Meet & Launch of Amarawati Poetic Prism 2018 ia ka ba la pynlong ha ka nongbah Vijayavada jong ka jylla Andhra Pradesh ha ka 10 bad 11 Naiwieng 2018, ia ka ba la khot pynlong da ka Cultural Centre of Vijayavada and Amarawati ha ryngkat bad ka jingia snoh kti lang jong ka tnad Tourism jong sorkar Andra Pradesh bad kiwei kiwei de. Kane ka dei ka sien ka ba saw ba la pynlong ia kum kane ka lympung iakynduh lang jong ki nongthoh poetry bad ka dei ka sien ba nyngkong eh ki poetry ha ka ktien pnar bad khasi na ka bri u Hynniewtrep ba kan ioh ban rung ha ka thup poetry ba la tip kum ka Amarawati poetic prism 2018 (4th edition) ia ka ba la kynthup lang ha ka ia ki 1111 tylli ki poetry ba lathoh ha ki 107 tylli ki jaitktien ba pher ba pher jong ka pyrthei da ki 630 ngut ki nongthoh poetry na ki 76 tylli ki ri jong ka pyrthei kynthup ia ka India.
 Ha kane ka jing ialang bah jong ki nongthoh poertry lawan ia shim bynta da ki myllung ba pawnam jong ki ri kum ka USA, Germany, Italy, Jordan, Mongolia, Portugal,Albenia, Denmark, Canada, Srilanka, Bangladesh, Mauritius, Seycheless, Slovrnia, South Korea, Bangladesh,Saudi Arabia, India bad kiwei kiwei de ki ri.
Ka long ka burom ka ba khraw shi katdei eh ia ka ri bad ka jaitbynriew khasi pnar ba U Bah Aloysius Papang kum u wei na ki nongthoh poetry ba dang thymmai bad danglung bha ia u ba ka jaitbynriew kam pat da ithuh bha u lah shah pynkup burom kyrpang 2 sien hakane ka lympung pah jong ki nongthoh poetry ka pyrthei . Ha ka jing pynkup burom ka ba nyngkong la da ka shawl bad momento ha ka jing iadei bad ka Jingithuh kyrpang bad ia ka jingnoh synniang ba kyrpang eh ka jong u (Special acknowledgement and contribution) kum u wei na ki nongthoh poertry na India sha kane ka thup poetry Amarawati Poetic Prism (An Intetnational Anthology) ia ki 4 tylli ki poetry jong i kawei ha ka ktien pnar ia ka ba i la ai kyrteng , ” JINGIM WA KORDOR” bad english translation ka ba kyrtneng ” THE PRECIOUS LIFE” kaba la ioh jing iatoh shi katdei eh na ki ri jong ka pyrthei, kawei ka poetry ha ka ktien khasi ka ba kyrteng, ” HAPNEH KA MEI MARIANG” bad kawei ka poetry ha ka ktien phareng ba kyrteng , ” THE DAWN OF HOPE “.. la pynkup burom ia i da Founder- chairman jong ka CCVA i Y Harisnadra Prasad bad i Honorary literari Advisor CCVA bad Editor ka Amarawati intetnational multilingual Anthology i Padmaja Iyenkar- Paddy ha ka jingialang pynkup burom ba kyrpang ha ka 11 taril November ha ka jing ia donlang ki heh jong ka sorkar India, Andra Pradesh bad kiwei kiwei ki kynrem ki lyndan.kane ka jingpynkup burom la leh ruh kum ka jing ithuh kyrpang ia i Bah Aloysius Papang kum u myllung ba nyngkong eh na ka jylla Meghalaya bad ri India hi baroh kawei u ba la lah ban pynmih nynkong ha ka ne ka kot poetry ia ki ar tylli ki poetry ha ka ktien pnar bad khasi ki ba long ki artylli ki jait ktien ki ba by pat da ithuh bha wat ha ri India bad ki babun hi na ki ri jong ka pyrthei kim pat ju tip ne ioh sngew shaphang jong ki.
Ha kane ka lympung, U bah Aloysius, u laioh ban pule ruh ia kawei ka poetry ba u lathoh ha ka ktien pnar, “Jingim wa kordor” ha ryngkat ba ka english translation ka ba la ioh ia ka jing iaroh da ka jing ia ieng bad thapkti lang jong baroh ki ba ia chim bynta hadien ka recitation.
|