|
Shillong: Ka Meghalaya ka la jop ia ka Ranji Trophy ha ka plate group da 6 wicket ia ka Nagaland ha ka jingiakhun jong ka sngi kaba saw bad kaba kut mynta ha madan ka MCA, Polo Shillong. Da kaba bteng na kaba kamai mynshwa 332/8, ka Nagaland ka la shaniah ha u Abrar Kazi ban lehkai thikna pyrshah ia ki nongkawang bol ka Meghalaya ba kynthup ia u Aditya Singhania uba la pynhap 5/52. Ka Nagaland ka la shah rem ha ka jingbeh ia ka 371 kaba dei ban ioh 89 ban jop hynrei ki la shah pynhap noh ia ki wicket. Kane ka dei ka jingjop kaba ar ia ka Meghalaya hadien ba ka la jop ia ka Arunachal Pradesh bad iakhaid ia ka Puducherry. Mynta ka la kamai 13 point bad kan iakhun sa ia ka Manipur ha Kolkata naduh ka 28 tarik Naiwieng. Ha ka jingialehkai ka U-23 Col CK Nayudu Trophy ka plate group pyrshah ia ka Uttarakhand kaba long ha Dehradun, ka Meghalaya ka la shah pynhap lut ha ka 140 mynta ka sngi kaba beh ia ka 220. U Rohit Shah u kamai bun eh ia ka Meghalaya haduh ka 27 ron. Ka Uttarakhand ka la kamai 138/3 da kaba knieh nam tam 218 ha ka sngi baar jong ka jingialehkai. U Lokesh Turaha u kamai (1/29), Md Nafees (1/32) bad u Akash Kumar (1/39). |