Hadien ka jing ia poi kha jong ka Deepika Padukone bad U Ranveer Singh, mynta ka la dei sa ka pali jong ka Priyanka Chopra bad U Nick Jonas, ha kaba kitei kin ia poi kha ha ka 2tarik Nohprah 2018.
U Nick, ula wan poi ha Delhi bad ka jing pynkhreh ia katei ka jing ia poikha, ka la nang iaid shakhmat bad la sngewthuh ba ka jing ia poi kha jongki, kan long ha Umaid Bhawan, Jodhpur ha ka 2tarik Nohprah bad ka jinglehniam, kan sdang naduh ka 29tarik Naiwieng 2018 bad hadien kata, kan don ka jingpdiang sngewbha ia ki paralok parajor, ha Delhi bad ha Mumbai.
Ka jingpyndep ia ka niam ka rukom, kan long ha ka 29tarik Naiwieng, ha kaba U Nick, un shad bad un rwai ia ki jingrwai ba bang ka bollywood bad kitei ki kynthup ia ki jingrwai, ba la rwai da ka Priyanka, kum ka Galla Goodiyan, Desi Girl bad Pinga. Nalorkata, la iathuh ba U Nick, un rwai ruh ia ka jingrwai PeeCee.
U Nick bad ka Priyanka, kin don ar jait ki jing iathoh jongki, ha kaba kan don ka jing iathoh Khristan bad nangta ka jing ia thoh hindu ruh, ha ka 2tarik Nohprah 2018.
U Salman Khan bad ka iing jongu, U Ranbir Kapoor, ka Alia Bhatt, ka Katrina Kaif, U Farhan Akhtar bad U Siddharth Roy Kapur, ki dei kiba la shah khot sngewbha na ka kynhun ki nong ak phlim Hindi.