Shillong: U Rahul Gandhi, President ka All India Congress Committee, u pynrem tyngeh, halor ka jingshah shoh jong ka kong Agnes Kharshiing, ha ki nongtih dewiong bad ki draibar trok.
Ha ka shithi, kaba ula phah sha U Dr Celestine Lyngdoh, President jong ka MPCC, U Rahul, u pynpaw ia ka jingsngew khia jongu, ba ka kong Kharshiing, ka dang don ha ka jing shitom kaba jur bha. U Rahul, ula pynpaw ia ka jingsngewkhia halor ki kam pynkhein ain jong kitei ki nongtih dewiong bad u pynsngew ba kitei ki nongtih dewiong, ki la pynkhein ia ka ain bad ha kajuh ka por, ki long ruh ki nong pynjot ia ka mariang.”Nga kyrpad iaphi, ba phin sngewbha ban ai jingiarap ia ka, katba don ka lad, ba kan nang ioh bor kloi noh nangne shakhmat” pynkut ka shithi jong U Rahul Gandhi.