Shillong: Ka Nagaland ka la pyni bor ia ka Meghalaya ha ka lumpung iakhun ka Ranji Trophy jong ka plate group ha ka jingiakhun kaba long mynta ka sngi ha madan ka MCA Shillong.
Hadien ba la shah ialam ha ka Meghalaya kaba kamai 389, ka Nagaland ka la kamai 332/8 da kaba knieh 49 ha kaba u Abrar Kazi u tied 129 katba u Nitesh u kamai 38 ron, bad u Sedezhalie u kamai 68 ron.
Ha kawei ka jingialehkai, ka U-23 Col CK Nayudu Trophy ka plate group pyrshah ia ka Uttarakhand, ka Meghalaya ka la kamai 27/2 haba beh ia ka Uttarakhand kaba kamai 220 ha ka jingiakhun kaba long ha Dehradun.
Ka Meghalaya kaba jop ia ka jingkynting pisa, ka la ap ktem ha kaba u Arbin Singh u kamai da 3/59. U Kartik Pawar u kamai (2/26), u kapten Akash Kumar (2/27), Lokesh Turaha (2/55) bad u Md Nafees (1/43).