Nongstoiñ: Ka jingiakhun Pre Quarter Final kaba saw jong ka lympung Rani Motor’s Knock out Football Tournamement RMKOFT bala pyniaid da ka Laitkseh Sport Club LSC kan long biang mynta ka sngi ha kaba ka kynhun ialehkai jong ka Kith United FC kan iakhun pyrshah ia ka Ryntih FC.
Katei ka jingiakhun ka ban long hapdeng kitei ki ar tylli ki kynhun kan sdang ha kapor 2:00 PM ha ka madan Mawkynjoin Laitkseh bad lah ruh ban ong ba katei ka jingiakhun Pre Quarter Final kaba saw kan long ruh ka jingiakhun ka ban itynnad bha.
Kumta na ka liang jong ka Tournament Committee jong katei ka lympung sa shisien ka khot ka wer ia baroh ki paidbah riew ieid phutbol jong ka thaiñ ba kin wan ban sakhi dala ki jong ki khmat ia katei ka jingiakhun ka ban long ha pdeng kitei ki ar kynhun.