Shillong:Mynta ka sngi balang , ki pulit ka East Garo Hills ki la ioh ban kurup bun bah ki tiar siat ba la buhrieh da ka GNLA kiba don ha ka shnong Dorengkigre. Ki pulit ki la lap mynta ka step lyngba ki nongpyntip jong ki. La antad ba kawei na ki AK Rifle ba la lap ka dei jong ka tnad pulit kaba la shah knieh ha ka por ia siat.
Ki pulit kim pat lah ban pynthikna dei ha kano ka jingiakhun ba ka GNLA ka la ioh ban knieh ia katei ka tiar hynrei la pyntikna pat ba ka dei kaba ju pyndonkam da ki pulit. Ki tiar kiba la ioh kurup mynta ka sngi ki long 2 tylli ki Mortar, 2 tylli ki RPG, uwei u RPG Launcher, kawei ka AK Rifle, kawei ka HK 5.56mm, 12 tylli ki Pistol Mafazine, 153 tylli ki kuli 5.56mm, 94 tylli ki kuli 7.62mm, 55 tylli ki Remote Controll Bomb, 11 tylli ki Remote Controll bad kiwei pat ki tiar ialeh.