| Nongpoh: Ka Rani Rongpeit kaba dang pule Klass Eleven Arts ha ka Alpha English Higher Secondary School, Nongpoh, kaba la shah syllad ha ka sumo hynnin ka sngi ka Nongpoh, ka la khlad noh hynnin ka miet ha ka por 11 baje ei ei mynmiet ha jaka sumar ha NEIGHRIMS, Shillong. Kum ba shu pynkynmaw hangne, ba katei samla Rani Rongpeit, na ka shnong Umshakait ha Ri Bhoi, hynnin ka sngi ha ka por 11 baje ei ei mynstep ka la shah syllad ha kawei ka Sumo ha ka por ba ka dang mut ban kam na shilliang sha shiliang na ka bynta ba leit thoh Exam. Hadien katei ka jingshah syllad ia katei ka khynnah la rah sha ki jaka sumar ha Nongpoh, hynrei namar ba ka jur palat ka jingmynsaw, la pynkit noh mar mar sha Nongbah Shillong, hynrei dei tad ha ka por 11 baje mynmiet katei ka samla ka la khlad noh na sla pyrthei.
|