Ka NASA lane ka National Aeronautics and Space Administration, ka la ioh ia ka jaka ban hiar khyndew ha u met bneng Mars ha u snem 2020 bad katei ka dei ha kawei ka pung, kaba la rngad noh mynta la da ki billion snem mynshwa.
Ka pung kaba la tyrkhong, kaba la ioh shondur ha u met bneng Mars.
U Mars, la iathuh ba mynta u shong tyrkhong bad um don um satia, hynrei la lap ba ha kawei ka jaka, kaba la tip kum ka Jezero Crater, ka don mynshwa ia ka pung kaba 1,600 phut(500-meter) ka jingjylliew. La shim ba katei ka jaka, ka dei kaba don ka pung, kaba ka rta jongka, ka long 3.5 haduh 3.9 billion snem mynshwa.
Ka mashin land rover, ka kali ka ban iaid ha u met bneng Mars
Ka NASA, mynta kan pynhiar khyndew ia ka kali jongka, kaba shongdor $2.5 billion (£1.95 billion) ban wad lynti ia ka jingim briew ha utei u met bneng.
“Katei ka pung, ka dei ka jaka, kaba biang eh ban wad ia ki sakhi jong ka jingim briew, kaba la don ha ki billion snem mynshwa bad kaba lah ban jia ha ka por ba ka don katei ka pung” ong U Ken Farley, uba dei u saiantis jong ka mishon Mars 2020.
Katei ka mishon kaba shongdor $2.5 billion (£1.95 billion), kan mih na pyrthei ha U Naitung 2020 bad kan poi ha U Mars ha U Rymphang 2021.