Wat ai jamin, ia ki nongleh beijot, ong ka JSM

Jowai, 2 Rymphang:
Ka seng ki samla pule na Rilum Jainti ka Jaintia Student Movement (JSM)-Central Body ka lah mih shakhmat ban dawa jur naki bor ba dei peit iaka ain ba kim dei ban ai Jamin iaki nongleh ne-ijot.
Ka jing jyllei palat jong ka jing shah leh be-ijot jong ki Long kmie bad khynnah kynthei hapoh ka Rilum Jaintia ka lah pynshong syier shisha iaki khynnah kynthei jong kane ka thain, naka bynta ka bha ka miat ka shongsuk shong shngain ka leit ka wan jong ki khynnah kynthei ka JSM ka lah mih shakhmat ban dawa jur naki bor pyniaid District jong baroh ar tylli ki District ka Rilum Jaintia ba kimdei ban ai Jamin ia ki nongleh be-ijot hynrei kidei ban pynshitom iaki katkum ka kyndon ain.
Tang hapoh Shibnai haduh lai ngut ki khynnah kynthei kynthup iaka wei ka long kmie ki lah mat ia kum kane ka a pot sepngi kaba lah pynhiar dor haduh kata kata iaka longrynieng jong ki bad kumjuh ruh iaka longing longsen jong ki bad iaka jaitbynriew hi baroh kawei.
Na ka liang jong u Samla Sambormi Lyngdoh, Publicity Secretary jong ka seng u la ong ba naka liang jong ka JSM ka dap daka jing sngewkhia kaba jur halor ka jing jyllei palat jong ki kam leh be-ijot hapoh ka Jylla naka bynta ban pynduh jait ia kum kine ki jingjia naka liang jong ka JSM ka lah byrngem da kaba tyngeh iaki bor pyniaid District jong ka Rilum Jaintia da kaba ong ba lada ki bor District ki ai Jamin iaki nongleh be-ijot naka liang jong ka JSM kam banse ban iaid noh daka jingiakhih paitbah kaba tyngeh naka bynta ka shongsuk shong shngain ki khynnah samla kynthei jong ka jylla.
Ha ka wei pat ka Liang ka JSM ka pynrem jur iaki Runar kiba donkti ban leh be-ijot iaka wei ka khynnah samla kaba lah jia haka shnong Khliehriat (east) EJHD shuh shuh ka seng ka kyntu iaki bor pulit jong ka Khliehriat Police Station baki dei ban shimkhia ia kane ka jingjia.