Mynta U Dalai Lama ha Shillong

Shillong, 2 Rymphang:
U nongialam myn siem jong ka Tibet u Dalai Lama un wan poi ha nong bah Shillong lashai ka sngi Nyngkong ha ka jingwan jngoh balai sngi ia kane ka jylla. Ka thymmei khubor ka iathuh ba u Dalai Lama un dem da ka helikotter ha 7Mer por 10.30 baje mynstep.
U Dalai Lama un don ha ka nongbah nadud ka 3-5 tarik Rymphang bad yn synran ia u da u Sikyong (Prime Minister) ka sorkar Tibet ba shah pynryng kangpar, uba kha ha Darjeeling bad pule na Harvard, u Lobsang Sangay.
Ha kane, un leit ban iadon bynta ha ka jingpynkup burom ka Martin Luther Christian University (MLCU) ha u Soso Tham Auditorium por 1.30 baje janmiet.
U Dalai Lama un iashim bynta ha ka jingialang jong baroh ki jaitniam ha ka nongbah, un leit jngoh ruh ia ka jaka mane blei jong ki nong-Tibet ha Lumparing. Un pynlong ruh ia ka jingduwai bad ialap ha madan Poloe ha ka 4 tarik ha ka por 1 baje janmiet.
Ha ka sngi ba un mih noh na kane ka nongbah, un leit biang ban ia jingiakynduh jong baroh ki jait niam ha Soso Tham Auditorium.