Aizawl: Ka seng BJP, ka kular ba kan pynrung ia ka ktien Mizoram, ha ka eight schedule jong ka riti synshar ri, lada kan ioh ban thaw sorkar ha katei ka Jylla.
Ha ka mat ilekshon, ba la pyllait mynta ka sngi, ka seng BJP, ka kular ruh ban ai khaw ha ka dor shi tyngka shi kilo, ia kano kano ka long iing, ka bym don ia la ka jong ka tnum iing bad nangta ba kan pynduh ia ka jingdheng kali ha Aizawl hapoh lai snem bad nangta ban pynduh ruh ia ki thliew kiba don ha ki surok kali hapoh hynriew bnai. La pyllait paitbah ia katei ka mat ilekshon jong ka seng BJP, da U Ram Madhav, uba dei U General Secretary jong katei ka seng.
Ka seng BJP, ka kular ruh ban tei ar tylli ki kolej doktor, lai tylli ki kolej doktor, nangta sa ki jaka hikai pyntbit ia ki nors bad ban thaw kam 50hajar tylli ha ki san snem ban sa wan. Ka Mizoram, kan leit ban jied thymmai ia ki nong mihkhmat jongka, ha ka 28tarik Naiwieng 2018.