Shillong: Lyngba ki 100 ron u Raj Biswa bad u Yogesh Nagar ka la pynlong ia ka Meghalaya ban kamai 338/5 ha ka jingiakhun ba nyngkong ka lumpung Ranji Trophy ka plate group pyrshah ia ka Nagaland ha madan ka Meghalaya Cricket Association, Polo Shillong mynta ka sngi.
U Sudhir Sahani bad U Nirdesh-Baisoya
Kane ka dei ka jingkamai kaba bun tam jong ka Meghalaya ha kane ka lumpung Ranji trophy.
Ha kawei ka jingialehkai ha ka U-16 Vijay Merchant Trophy, ka Meghalaya ka la pynliem ia ka Arunachal Pradesh, katba ha ka U-19, ka la pynliem ia ka Mizoram ha ka Cooch Behar Trophy.
Haba phai sha ka Ranji Trophy, ka Nagaland kaba jop ia ka kynting pisa ka la kam ban ap ktem shwa bad kala lah ban pynhap 3 wicket. Hynrei ka Meghalaya lyngba u Biswa bad u Nagar ki la tied 231 ron haduh ka 4 wicket.
U Nagar u tied 22 tylli ki 4, 2 ki 6 ha ka 166 ron na ki 197 bal. Katba u Biswa u la tied 111 ron kynthup 12 tylli ki 4.
Ha ka jingialehkai ka U-16 Vijay Merchant Trophy, ka Meghalaya ka la pynhap 5 wicket ia ka Arunachal Pradesh ha kane ka sngi ba kut ban rah ia ka nam lahduh ka Nort East Zone da 156 ron ha ka jingialehkai kaba long ha madan Mangaldai, Assam.
Ha ka jingialehkai ka U-19 Cooch Behar Trophy, ka Meghalaya ka la jop da 157 ia ka Mizoram ha ka jingialehkai kaba long ha madan Dibrugarh, Assam.