Shillong: Ki nongshong shnong jong ka Dong Laimer Shiteng, Upper Shillong, ki la lap mynta ka step, ia ka met iap jong uwei u briew, kaba don ha rud surok jong katei ka dong.
Ka met iap, kaba thiah ha rud surok ha Laimer Shiteng, Upper Shillong
Na ki dak ki shin, la ithuh ba utei u briew, ula iap mynsaw lane lehse, ula shah pyniap ha ka por mynmiet. Ka sopti, kaba u phong ka long kaba lam stem, kum ka sopti ba shait phong ki pulit bad u phong ia patlun Jeans.
Haba iakren bad U Officer In Charge ka Lumdiengjri Police Station, u iathuh ba kim pat tip satia ia ka kyrteng jong utei u briew bad ka don ka jingsuba, ba u lah ban dei u bar Jylla bad ba u shah pyniap ha ki riew runar.