Shillong: Ki nongialehkai ka Meghalaya ki la khur khusnam na ka lumpung Muaythai National Championship 2018 ba pynlong da ka United Amateur Muaythai Association of India (UAMAI) kaba long ha Pathare Stadium, Pune Maharashtra kaba kut ha ka 18 tarik kaba lai sngi na ka bynta ki khynnah bad ki rangbah.
Ha kane ka jingialehkai, ka Meghalaya ka la rah 5 takma ksiar, 3 takma rupa bad 2 takma rnong.
Ka Narimon Nongrum ka rah ha ka 38 kg jong ka 16-17 snem, ka Monica Nongrum hapoh 63.3 kg ki kynthei bad ka Ishadora Thongni hapoh ka 45 kg 14-15 snem.
Ha ka liang ki shynrang, u Mightyson Nonglang u la rah hapoh ka 48 kg 14-15 snem, Blaseibok Kharbuli hapoh 45 kg kiba 16-17 snem bad Alfred Watklet Riahtam hapoh 42kg katba u Babit Kharsahnoh hapoh 45 kg bad u Dauni Nongrum hapoh 54 kg. U Evinstar Nongspung u khur hapoh 56 kg ha ka 14-15 snem bad u Tonroi Suting hapoh 51kg.