Shillong: Hadien ka jingialang paidbah ban iamir jingmut ha kaba iadei bad ka ilekshon MDC sha ka KHADC ka ban long ha ka snem 2019, na ka liang ki nongkyrshan u bah Anthony N. Nongbri na ka Malki-Laitumkhrah Constituency da kawei ka jingmut ki la rai ban phah iakhun ia u na ka National People’s Party (NPP).
Kane ka rai jong ki paidbah ka la wan hadien ka jingiathir ba bniah bad ba shong shit bha ha ka jingialang paidbah kaba la long ha Indoor Stadium, Khliehshnong, Malki ha ka 16/11/2018 ha kaba palat 300 ngut ki nongkyrshan ki la wan ban iashim bynta shitrhem.
Haba kren ha ka jingialang hadien ka jingai jingmut jong ki ba bun bah ki nongkyrshan, na ka liang u bah Anthony Nongbri u la ong ba un burom ia ka rai ki nongkyrshan kiba la iadon lang bad u.