Shillong: Ka Shillong Lajong ka la pynbam ia ka Langsning FC da 4-1 ha ka U-18 Youth League Shillong – Guwahati Zone ha ka jingiakhun kaba long mynta ka sngi ha madan Polo.
Ka lahduh jong kane ka lumpung mynshem snem, ka Lajong ka la shah rem teng shisien ha ka Langsning FC bad mynta ka la siew kylliang ia kaba la shah rem.
U nongialehkai ka Lajong u Freestar u la thep ia ka kol ba nyngkong ia ka Lajong ha ka 14 minit bad ka Langsning ka la pynphai pat ha ka 23 minit lyngba u Figo Syndai.
Hynrei na ka liang ki nongialehaki ka Lajong, u Parvaj Bhuiya u la thep biang ha 36 minit ban knieh nam tam ia ka Langsning da 2-1.
Hadien ba la sdang biang ka kyllamiet, ka Shillong Lajong ka la bteng ban nion biang bad kala thep biang da u Parvaj Bhuiya ha ka 58 minit bad u Donboklang Lyngdoh ha ka 75 minit.
Da kane ka jingjop, ka Shillong Lajong ka la kamai 12 point bad ka la don hakhlieh duh ka miej iakhein point ka U-18 Youth League Shillong-Guwahati Zone.
Ka Lajong kan pynkhreh ban iakhun sa ia ka GTC ha ka 27 tarik Naiwieng.