Jowai: U ma Moonlight Daw, u Vice President ka Bharatiya Janata Party (BJP) jong ka 3 Raliang Mandal bad uba bat ruh ia ka kam President jong ka Polling Booth Nongjngi-Iongluwit, ha ka jingpynllait khubor hynne ka sngi ha Jowai, u la ong ba u la mihnoh na ka Party Bharatiya Janata Party(BJP) hynnin ka sngi bad ia ka shithi phet seng jong u, u la pyntip sha u President jong ka 3 Raliang Mandal ma Biangshwa Shylla.
U ma Moonlight Daw haba kren ha ki Nongpathai khubor mynta ka sngi ha Jowai, u ong ba ka jingmih noh jong u na ka party Bharatiya Janata Party, ka dei na ka daw shimet jong u.
U ma Moonlight-Daw-Vice-President ka 3 Raliang-Mandal
Ha ka juh ka por u ma Lakhon Biam, u Kyrtong jong ka Bharatiya Janata Party (BJP) ha kane ka elekshon MLA kaba dang shudep na ka 3 Raliang Assembly Constituency, une u Rangbah ruh u la mihnoh na ka Party Bharatiya Janata Party (BJP) hynnin ka sngi 16/11/2018 bad ia kane ka jingmihnoh jong u na ka Party BJP la pyntip sha u President jong ka 3-Raliang Mandal. U ma Lakhon Biam ha ka Kyrwoh la ong ba ka jingmihnoh jong u na ka party BJP, ym don kano kano ka daw hynrei na ka daw shimet jong u. U ma Biam wat lada um pat pynpaw ha ka kyrwoh, hynrei pat na ki khubor kiba la iohlum na Nangbah, la sngewthuh ba une u Rangbah un ia khun ha kane ka elekshon MDC 2019 bad ym pat tip un ia khun na kano ka party lane un iakhun kum u Kyrtong shimet na ka Nangbah MDC Constituency.