Shillong: Kin don shibun ki nongialam sain pyrthei na ka Jylla, ki ban leit kanbas elekshon sha Mizoram, ha ki khyndiat sngi ban sa wan bad na kitei ki kynthup ia U Conrad Sangma, myntri rangbah, u ban leit ha ka 20tarik Naiwieng 2018, ha kaba un don lai sngi ha katei ka Jylla. Ym tang katta, la sngewthuh ba U Bah AL Hek ruh un leit sha aktei ka Jylla, na ka bynta ban kanbas ia ka seng BJP.
Ki nongialam Congress, ba kynthup ia ka kong Ampareen Lyngdoh, ki la nang iaid shakhmat ban leit sha Mizoram. U Bah Prestone Tynsong, nongialam ka seng NPP, la sngewthuh ba un sa leit ha ki khyndiat sngi ban sa wan sha katei ka Jylla.
Ka elekshon ha Mizoram, na ka bynta 40ngut ki dkhot ka dorbar Jylla, kan long ha ka 28tarik Naiwieng 2018.