Weng kyrteng ka Pine Mount, bunsien ia ki khynnah Klas KG

Shillong, 30 K’lyngkot:
Ka jingpynmih bad ka jingweng biang ia ki kyrteng jong ki khynnah KG ba la jied ban rung klas ha Pine Mount ka la pynkulmar thlim ia ki kmie ki kpa.
“La weng bunsien ia ka resol ba la pynmih ia ki kyrteng jong ki khynnah ba la jied ban ioh rung klas KG”, la ong ka thymmei khubor bad, ia kane la leh khnang ban pynhun ia ka jingkwah jong ki politishian bad ki heh babu sorkar ban thep ia ki briew jongki”.
Ha kajuh ka por, ka thymmei khubor ka iathuh ba man u snem, ia ka resol dei ban pynmih ha ka taiew ba nyngkong jong u Kyllalyngkot.
“Hynrei ha kane ka kynti ka la don ka jingpyn slem ban pynmih ia ka resol” la ong shuh shuh ka thymmei khubor.
Ka jingslem ban pynbna ia ka resol na ka bynta ki khynnah ha ka klas KG ka la pynsngewsih jur bad pynkulmar jingmut ia ki kmie ki kpa.
Ia ka resol dei ban pynbna ha u Nohprah. Hynrei la pynkynriah biang ban pynbna hapoh 15 tarik Kyllalyngkot.
Ha kane ka kynti, ka thymmei khubor ka iathuh ba ka skul Pine Mount ka la ioh lai ngut ki principal ban pyniaid.
“Kane ka jingkylla bunsien ki principal ka dei kawei na ki daw kaba pynslem ban pynbna ia ka resol”, la ong ka thymmei khubor.
Ka thymmei khubor ka la kynnoh ruh ba ka kyrteng ba la pynmih, la weng noh bunsien.