Ki kot khubor, dei ki iit khmih ka imlang sahlang:A L Hek

Shillong,30K’lyngkot:
U Myntri ba dei peit ia ka Meghalaya Information & public Relation ka jylla u Bah A L Hek u la ong ba ki kot khubor ki long ki it khmih jong ka imlang sahlang bad ki don ka jingkit kaba khia na ka bynta ban kyntiew ia ka imlang ka sahlang. U Bah Hek u la ong ia kane ha ki jingkren lyngkot jong u ha ka jingrakhe ia ka jingdap 25 snem jong ka kot khubor u Mawphor. Ha katei ka jingialang kaba lalong ha Dinam Hall.
U Bah Rowell Lyng doh uba long u Deputy Chief Minister ka jylla u la long u kongsan , haba ai jingkren u la ong ba ki kotkhubor ki dei ban long kiba kren bad thoh ia ki jingshisha. Ha katei ka jingialang la ia donlang ruh u President ka MPCC u Dr.D.D Lapang bad u Working President ka UDP, u BahPaul Lyngdoh.
Kham ha shuwa ia kane la ioh ki jingkren na u nongpynmih khubor jong u Mawphor u Bah RM Marwein, uba la iathuh ia ki jingiaid lynti jong u Mawphor haduh ba un da poi shaduh u mawmer jong ka jingdap 25 snem. U la batai ruh ia ka jingmut ba la buh kyrteng u Mawphor, kaba mut u Mawbynna pynsah nam ia ka jinglong tynrai jong ka Jaitbynriew Khasi.