Shah ia ki trok 12 taiar ban kit 19 Ton

Shillong,30 K’lyngkot:
Ka Jaintia Miners & Dealers Association ka la pynpaw iaka jingsngewnguh ia ka sorkar jylla ba lyngba ka Miniral Resources ka la lah ban pdiang ia ka jingkyrpad jong ki JCMDA ban ailad noh ia ki trok kit dewiong kiba don 10 lane 12 taiar ban kit dewiong haduh 19 ton. Ka kyrwoh lyngba u General Secretary ka Association u bah Pura Bareh u la ong ba katei ka jingailad ka sorkar jylla kana plie lynti ia baroh ki nongtrei kam dewiong ba kin ioh lad ban phaha kit ia la ki dewiong katkum ka jinglah bor ne ka jingsngew donkam jong ki. Ha ka juh ka por, ka la kyntu ruh ia baroh ki Mineral Transport Coal Challan Dealers ba kin ia sdang noh ban die ia ki shalan dewiong kaba 19 ton nalor kiwei de kiba la don lypa.