|
Shillong: Ka jingiakhun jong ka lumpung Ranji Trophy ka plate group hapdeng ka Puducherry bad ka Meghalaya ka la kut mynta ka sngi ha ka jingiakhaid. Ha kawei pat ka jingialehkai ka U-23 Col CK Nayudu Trophy kaba long ha Shillong, Meghalaya ka donkam 160 ron ban jop bad ka sah sa ar sngi. Namar ka jingwan khyrwit ka eriong Gaja ha Puducherry, la hap ban pynkut noh iaka jingialehkai tang ha ka 17.2 over bad kane ka la buh jingeh ia ka Puducherry ban bat nam tang 192. Ha ka jingialehkai ka U-23 Col CK Nayudu Trophy, ka Meghalaya ka donkam sa 160 ron ban jop ha kaba ka Nagaland ka la kamai 52/4 ha ka jingiakhun ha ka sngi kaba ar. Ka Meghalaya ka kamai 125/6 ha ka kylla ba nyngkong hynrei ka 65 ron jong u Tiwari (32) bad Rohit Shah (35) ka la pynduna ia ka Meghalaya sha ka 178 ron. Da kaba beh ia ka 212, ka Meghalaya ka donkam ban tied sa 160 ron ban ioh ia ka jingjop. |