Shillong: Ka Shillong Lajong FC kan iakhun mynta ka sngi pyrshah ia ka Churchill Brothers ha madan Tilak Maidan ha Goa por 5PM. Kane ka dei ka jingialehkai kaba lai jong ka Lajong shabar na la iing bad ha kine ki ar tylli ki jingialehkai ba la dep, ka la shah rem lut.
Ia kane ka jingialehkai yn pyni paidbah ha Star Sports 3, Hotstar bad JioTV.
Kumba ka paw, kam dei ka aiom kaba bha ia ka Lajong namar ba ar tylli ki jingialehkai kiba la dep shabar, ka la shah rem beit ploin. Nyngkong ka la shah rem ha ka Indian Arrows bad kumjuh ha ka Gokulam Kerala.
Ka Churchill Brothers, ka la iakhaid pyrshah ia ka Minerva Punjab (0-0), ia ka Chennai (2-2) bad iaka Real Kashmir (0-0). Kane ka kynhun na Goa ka la kamai 3 point.
Na ka liang u Coach ka Lajong u Bah Alison Kharsyntiew u la ong, ha kine ki ar sngi ki la ioh biang ia ka met ka phad kaba wan dur hadien ba kila thait la jrem ha ki jingialehkai ba la dep bad ka jingialehkai lashai ia ka Churchill kan wanrah ia ka jingmih kaba bha.