Shillong: Ka jingkamai u Nirdesh Baisoya 8 wicket ka la pynlong haduh 38 ron ka jingjop ia ka Meghalaya pyrshah ia ka Nagaland ha ka lumpung U-16 Vijay Merchant Trophy kaba long ha Golaghat, Assam mynta ka sngi.
Ha kajuh ka por, ha ka Ranji Trophy, ka Meghalaya ka kamai 161/6, da kaba duna 228 ron ia ka Puducherry ha ka sngi kaba ar jong ka jingialehkai.
Ha ka jingialehkai ha ka Vijay Merchant ha Golaghat, ka Meghalaya ka lam khmat 92 ron na kaba la dep. Hynrei na ka liang ka Nagaland ka la kham ialehkai bha hynrei ha kaba kut kam lah ban knieh nam tam ia ka Meghalaya.
Ha ka jingialehkai ha ka Ranji Trophy, ka Puducherry ka la kynton ron sa 120 ron na kaba la dep ban kiew sha ka 269/7.
Ha ka jingialehkai ka U-23 Col CK Nayudu Trophy, ka Meghalaya kan ialehkai pyrshah ia ka Nagaland ha madan ka Meghalaya Cricket Association ha Polo, Shillong naduh lashai kaban neh saw sngi bad kan sdang naduh ka por 8:30 baje mynstep.
Ka Meghalaya ka la rem ha ka jingialehkai ba la dep da 34 ron ha ka Mizoram ha Jorhat, Assam ba la long dang shen.