|
Shillong:Ka North East Students Organisation, Jalandhar, ka la pynlong ia ka 6th Nesoj sports meet bad ka 1st Cultural meet, naduh ka 13tarik Risaw 2018 bad la pynhap pyrda noh ia ka ha ka 27tarik Risaw 2018.
 Ha kane ka Sports meet lah iashim bynta shitrhem da baroh 8 tylli ki States jong ka dong shatei lam mihngi bad ia ka nam lahduh, lah iohrah da ka Jylla Mizoram bad kane ka Sports meet ka ban wanrah jingiatylli ha baroh ki Khynnah Jong ka dong shatei lam mihngi bad shisha lah don ka jingiangewtynnad bad jingkynduh iwei pa iwei bad ka sports meet ka lah iaid beit iaid ryntih bad ka lah don ruh ka Cultural meet ha kaba baroh ki 8 jylla ki ia shim bynta shitrhem bad ka namjop lah iohrah da ka jylla Nagaland.
 Ki don bunjaid ki jingialehkai kynthup naduh ka football, basketball, volleyball,cricket bad kiwei kiwei Kum handball, Carrom, chess bad kiwei kiwei de ha kaba baroh Ki lah iashim bynta shitrhem lut.
Ha ka dur ba lah ai hapoh lah iohi ba lah don lut baroh ki States ba iashim bynta bad hajuh ka por U sports Secretary uba dei na ka jylla Meghalaya, u dang sam khusnam sha ki nongjop.
|