Ka Jingpynshai halor ka jingkynnoh pyrshah ia nga bad ka jinglen jong ki Pulit

            Nga u Marshall Biam, nga don ban pynshai kumne harum halor ka jingkynnoh pyrshah ia nga da ki katto katne ki briew kiba kwah ban pynjah burom bad tahmationg ia ka lawei jong nga.

A1.      Ka jingjia kala sdang haba ki nongtrei jong ka seng North East Indigenous People’s Federation (NEIPF) kiba kynthup Member jong ka seng, kila ujor pyrshah ia u S.I. Habanjop Khonglah u OC jong ka Khliehriat ha ka 01/11/18 halor ka khron pisa beaiñ  . Ha ka juh ka por ka seng ka ioh jingtip ba ki Pulit ki shim pisa na ki kali ki ba iai limba surok bah ki shim pisa na ki trok ban ioh iaid ne leit khaï

2.      Hadien kane ha ka 6/11/18 katto katne ngut hapoh ka jingialam jong u Graham Lyngdoh kila khot ia nga ban wan sha Sohshrieh Takhniang, Tuber Kmaishnong  na ka bynta ban iakren sngewthuh halor katei ka jingujor, pynban habala poi ha katei ka jaka kila pynbor ia nga ban weng ia katei ka FIR. Na ka liang jong nga, nga la pynpaw ba ngam ban leh ia kane namar ym dei ma nga ba ujor ia kane ka FIR. Hynrei kila pynbor ia nga bad kila ong ba kum u khliehduh jong ka seng nga dei ban weng beit ia kane ka FIR wat la ka long ha kano kano ka dur ruh.

3.      Hadien kane kila kit ia nga da kawei ka Scorpio bad leit ialam ia nga sha ophis jong u SP East Jaintia Hills, Khliehriat bad haba la poi hangta kila ialam ia nga sha ka kamra treikam jong u . SP, bad hangne kitei ki briew kila pynbor ia nga ban weng ia ki ar tylli ki FIR kata ha ka 22/10/2018 bad ka 01/11/2018. Hadie ba la mih na kamra u sp ki ialam sha Lad Rymbai ba kim ailad ba ngin ia pynbeit ia kane ka kam. Kane ka kynhun kala pyrshang ban kit ia nga sha kiwei pat ki jaka ha ryngkat ka jingmaham bad kren ki ktien khlemakor ia nga bad ia ka iing ka sem jong nga. Ha kata ka por nga la ong ba kidei ban ialam ia nga sha lad Rymbai Road khnang ba ioh shim ia ki kot ki sla ba donkam.

4.      Hynrei ynda poi ha katei ka jaka (Rymbai Road) kila don ki paidbah ym duna ia ki spah ngut kiba la ap lypa ban ioh shoh ban bom ia nga. Ha kum kata ka por nga la ioh ban rung hapoh kawei ka dukan die dawai bad nga la phone sha ki pulit lad Rymbai lyngba uwei  SI, hynrei une um shym la wan iarap ia nga, kumta nga la phone wut wut sha u SP bad ula phah ia u SI Lamare ban wan iarap ia nga ha kata ka por.

5.      Kaba sngewsih ka long ba haba nga la don ha kti ku Pulit u DSP ruh dang don ki paidbah kiba shoh bad bom ia nga.

6.      Dei halor ka jingpynbor palat ia nga kumta nga hap ban weng noh ia katei ka jingujor ha katei ka juh hi ka sngi (6/11/2018) wat lada ngam dei ba signed ma nga, ka long pyrshah ia ka rukom treikam jong ka seng jong ngi.

7.      Kumta ha ka jingiadei bad kane nga la ujor FIR pyrshah ia kitei ki briew kiba kynthup ia u Graham Lyngdoh Headman ka Tuber Kmaishnong, u Hamlen Rymbai, u Cheerful Ryngkhlem, u Rock Sympli, u Nidamon Chullet, u Defender Pakam bad u Sambormi Lyngdoh.

B.1. Ha ka jingiadei bad ka jingmih khubor mynta ka sngi ba nga donkti ban lute ia ki trok bad siat suloi haka 5 tarik mynta u bnai kane ka long tang ka jingpynthohbria bad kynnoh khlem nongrim ia nga bad long ka bym don sabut eiei satia, namar ha katei ka sngi, ha ka por mynmiet nga don ha iing namar ba nga ap ia ki paralok kiba wan donkam sha iing jong nga. Hynrei ka dei tang ka jingthaw buit jong kine ki nong ujor FIR ia nga, bad lada ka long kaba shisha balei ym shem la kem ia nga ha ka sngi ba bud ba nga wan mih sha ki Pulit ha ka 6 tarik November 2018. Kane ka long kaei kaei ka ba sngewpylla haduh katta katta ba kine ki briew haduh mynta khlem pat kem bad ha ka juh ka por kine hi ki group ki dang thwet ia nga haduh mynta bad na ka liang jong nga, nga kyrpad jur ba na ka liang jong ka ain bd ki pulit ban pynshitom ia ki kat kum ka kyndon jong ka ain.

            2. Katt kum jing pynmih khubor  u SP ka East jaintia Ka jingong jong u SP ba nga wan mih sha SP ophis bad nga weng  ia ka FIR ha ka 5/11/2018, kane ruh ka long kaba bakla bad kaba ngam lah ban pdiang namar ia katei ka kam la pyndep ha ka juh ka sngi ba la pynbor ia nga kata ha ka 6/11/2018 bad ia  kane la pdiang bad soi da u Dy. SP bah G. Marshillong MPS ym dei 5/11/2018 hynrei ha ka 6/11/2018. paidbah phi siewthuh hi ia ka jing thok jong kine.