Ki pulit pahara liengsuin, ki la ioh kurup ia ki biskit ksiar, kiba shongdor kumba T.2klur na uwei na ki nongshong liengsuin ha kad liengsuin Lokpriya Gopinath Bordoloi International (LGBI) mynta ka sngi. Ki pulit jong ka Central Industrial Security Force (CISF), ki la lap ia katei ka ksiar, katba ki dang talasi ia ki nongleit jingleit, ha shwa ba kin rung ha liengsuin ban leit sha Kolkata. La iathuh ba utei uba kit ia katei ka ksiar, u dei U Lalthithal Liana, uba na Mizoram. La iathuh ba utei u briew, u shimti ia katei ka ksiar ha lynti ba un wan sha Guwahati, na uwei pat u briew. U Liana, u wan da ka bos na Aizawl sha Guwahati.
