Pynpra park ka MUDA ha Khyndai Lad

Shillong, 28 K’lyngkot:
Ka Shillong Municipal Board (SMB) ka la pynpra ia ka Park kaba don hajan OB Shopping Mall ha Khyndai Lad.
“Ia kane ka park kaba don hajan ka OB Shopping Mall ka long kawei na ki ktem jaboh kaba ktah bha ia ka nongbah khatam ia kiwei haba ki wan sha kane ka nongbah bad ka jylla ban peit ia ka jingitynnad jong ka. Ngin pynbha ia kane ka jaka kaba itynnad”, la ong ka Kong Ampreen Lyngdoh ka myntri sor.
Ka Kong Ampareen ka la ong ba ka long kaba ktah bha ban iohi ia kane ka jaka khamtam ha katei ka jaka kaba khapngiah bad bun briew bha.
Kane ka jaka lah ban pyndonkam na ka bynta ka jingdonkam paidbah kum ban pynlong concert bad yn pynitynnad bha, la ong ka Kong Ampareen.
Ia mynta katei ka jaka, la thmu ban buh ia ka police booth bad ka jingai jingtip ia ki kam jngohkai nalor ban buh jaka pynhiar bad pynkiew nongleit nongwan.
Ka sorkar ka la mang T.32 lak na ka bynta kane ka projek bad la dep aiti ban shna ia katei ka kam, la ong shuh shuh ka kong Ampareen bad yn pyndep hapoh phra bnai.
Shwa ia kane, ka Civil Society Women’s Organization (CSWO) ka kwah ba ka sorkar jylla ban ai jaka ban die kwai ki longkmie, ki soh jhur.