Ka Kong Meena, ka chairperson ka Child Commission

Shillong, 28 K’lyngkot:
Ka sorkar jylla ha kane ka sngi Nyngkong ka la thung ia ka Kong Meena Kharkongor kum ka chairperson ka Meghalaya State Commission for Protection of Child Rights (MSCPCR). Ia ka kyrteng ka Kong Meena la pdiang da ka kynhun myntri hynnin ka sngi bad ia kane, la iathuh da ka myntri ka Social welfare ka Deborah Marak.
Ka Kong Meena ka dei ka nongiasaid ain bad ka dei ruh ka dkhot ka Meghalaya State Women Commission (MSWC). Ia ka kyrteng jongka, la phah da ka Screening Committee nalor kiwei pat ba kynthup ia Moris Augustine Jala, SR Sangma, W Kharbuli, BM Sangma bad Dr JD Sangma.