Nongpoh: Tang namar ka jingleh thurmur u nongniah, kawei ka Tourist Taxi kaba don ia u number AS 01 FC 6284, ka mih na Shillong ban hiar sha Guahati, ka la thung baji noh ha kawei ka jaka ba kham riat ha Wah Umran, kaba don ha shnong Umnget ha Ri Bhoi.
La ioh jingtip ba ha katei ka jingjia ka la jia hynnin ka miet ha ka por 11 haduh 12 baje mynmiet, hynrei kam shem la don kano kano ka jingmynsaw, namar ha ka por ba katei ka kali ka la thung baji, ym shem la don briew kiba shong hapoh katei kali.
La ioh jingtip ruh ba ka daw kaba la pynlong ia katei ka Tourist Taxi ba kan leit thung baji ha katei ka Wah, ka dei hadien ba u nongniah jong katei ka kali u la pynsangeh harud jong katei ka jaka, hynrei ha katei ka por ba u pynieng, u la kum buh (Neutral) ia ka kali bad kaba la pynlong syndon ia katei ka kali ba kan thung baji sha katei ka Wah bad wanrah ruh ia ka jingjulor.