Shillong: U MDC ka Nongthymmai konstitwensi u bah Latiplang Kharkongor u la pynbna paidbah mynta ka sngi ba un ia khun kum u kyrtong shimet ha ka elekshon MDC ka ban sa long ha u snem 2019. U bah Latiplang mynta ka sngi u la lum ia ki nongialam ba hakhmat eh jong u kiba don hapoh ka Core Committee bad ka Organising Committee na ka bynta ban shim ia katei ka rai. U bah Latiplang u la mihkhmat kum u MDC ka ia ka Nongthymmai konstitwensi la 3 samoi lynter naduh u snem 2004 haduh mynta bad u la jop ia ka MDC elekshon ha baroh 3 sien na ka seng KHNAM. Ka elekshon 2019 kan dei ka sien kaba 4 ia u bad mynta ka kynti un ia khun kum u kyrtong shimet.