Shillong: Ka jingialehkai ki kolej ka NEHU ka NEHU Inter College Football (Men) Tournament 2018 ka la iaid sha ka sngi kaba lai mynta.
Ha ka jingiakhun mynta ka sngi, ka Kiang Nangbah College ka la shah pynliem ha ka NEHU, Shillong da 2-0.
Ka St. Anthony’s Colleges ka la pynliem ia ka Nongtalang College da 3-0 bad ka BBS College ka la pynliem ia ka St. Francis D’ Assisi College, Nongstoin da 1-0.
Mynta ka jingialehkai kan long hapdeng ka St. Anthony’s College pyrshah ia ka BBS College bad ka NEHU, Shillong pyrshah ia ka Synod College.