Kha ka longkmie 6 ngut ki khun shisien kha

Ka dei ka jingjia ka bym kham pat ju iohi sngew koit, ha kaba ka wei ka longkmie ka la kha haduh 6 ngut ki khun ha ka juh ka sngi, haduh mynta ym pat shym la pynpaw ia ka kyrteng jong katei ka longkmie kaba la kha haduh 6 ngut ki khun ha kane ka sngi thtoh dieng ba la dep. Ki doktor ki la ong ba katei ka longkmie bad baroh ki 6 ngut ki khun jong ka ki don hapdeng ka met kaba shait ba khlain bha. Katei ka longkmie ka la kha 4 ngut ki khun kynthei bad ar ngut ki khun shynrang. Ka la kha ia xki khun jong ka ha kawei ka Hospital kaba don ha Bannu district jong ka Khyber Pakh tunkhwa. La ong ba shuwa ban kha ia ki khun jong ka katei ka longkmie ka bym pat tip kyrteng ka ju sumar bha ia la ka met ha ka por ba ka dang ar met bad ka ju leit ban phah sumar ha kawei na ki jaka sumar jong ki riew shimet.Kham hadien la pynkynriahnoh ia katei ka longkmie kaba dei na ki thain Datta Khel area , North Waziristan sha kawei ka Hospital kaba la tip kum ka Combined Military Hospital kaba don ha Bannu ,na ka bynta ki jingsumar bad ki jingphah peit kiba donkam.
Kham hashuwa ia katei mynta hi u bnai, kawei ka longkmie ka la kha 4 ngut ki khun , bad katei ka jingjia ka la jia ha Bhakkar district ka Punjab, India. Ha u Risaw, kawei ka longkmie kaba la don 35 snem karta kaba la tip kyrteng kum ka Sabira, ka la kha haduh 5 ngut ki khun , 3 ki kynthei bad ar ngut ki shynrang , ka la kha ha the Khyber Teaching Hospital kaba don ha Peshawar.
Ka Sabira, kaba la don lypa ar ngut ki khun, iwei iba dang ha ka rta kaba 8 snem bad iwei pat saw snem, la ong ba ka Sabira bad u lok jong ka u Ibrahim, 40 snem, hadien ba la kha ia ki 5 ngut ki khyllung ki la mareh bran bran sha Hospital na ka byngta ki jingsumara ba kyrkieh, bad la ong ruh ba tang khyndiat por, ki bor jong ka hospital ki la pyllait noh ia ki ban leit sha ing.
Ha u juh utei hi u bnai, kawei pat ka longkmie ka la kha saw ngut ki khun , 3 ki shynrang bad kawei ka kynthei , bad katei ka jingjia ka la jia ha Mianwalki district jong ka Punjab, katba ha u jylliew pat kawei ka longkmie ka la kha 5 ngut ki khun ha kawei ka Hospital sorkar ha Government Allama Iqbal Memorial DHQ Hospital, kaba don hi ha Punjab. Ka la kha 4 ngut ki khun shynrang bad kawei ka khun kynthei , hynrei tang hadien katto katne kynta uwei u khun shynrang bad kawei ka khun kynthei jong ka ka la khlad noh.