Shillong: U Bah Donlang Sohklet ula pan tiket na ka party NPP ban iakhun ia ka elekshon MDC ka ban long lashem snem.
U Bah Donlang uba la don ha ka kam sain pyrthei ha ka seng congress hapoh ka jingialam jong u Dr DD Lapang kum u Myntri Rangbah bad kum u President ka MPCC, u la bat bun ki kam hapoh ka Congress ha ka NBCC, Ri-Bhoi DCC bad kum Public Relations Secretary ka Meghalaya Pradesh Congress Committee (MPCC) shwa ba un rung noh sha ka NPP.
U bah Donlang u la dep iakhun ruh ia ka election MLA kum u kyrtong shimet ha u snem 2013 na Umsning Constituency pyrshah ia u Dr Celestine Lyngdoh uba long u President ka MPCC mynta.
Haduh mynta ym don briew ha Umsning Constituency ba pan ticket MDC na ka NPP, kumta lada ym don kiwei pat ba pan ticket la tikna ban ioh u Bah Donlang Sohkhlet ia ka ticket MDC na ka NPP.