Sa u ophisar ka MeCEL, pynjlan ka sorkar u Mukul

Shillong, 27 K’lyngkot:
Hadien ba la pynjlan ia ka por shong thait jong u Chief Secretary Bah WMS Pariat, ka kynhun myntri hynne ka la rai ban pynjlan sa ia ka por shong thait jong u ophisar ka Meghalaya Power Generation Corporation Limited MeCEL) jong ka tnad bording ka jylla.
U ophisar ba la dei ban shong thait ka Power Generation (MeCEL), u M. Bora u la shah pynjlan ha ka sorkar sa shi snem. U Myntri rangbah ka jylla u Dr Mukul Sangma u la ong ba ka jingialang jong ka kynhun myntri ka la iatai ia ka jingpynjlan ia jingpynjlan ia ka por jong u Technical Adviser jong ka tnad bording bad ka la pdiang ban leh kumta.
U Myntri rangbah u la ong ba ka tnad bording ka jylla, la bthah ba kan don ka Technical Wing ban treikam hapoh ka tnad bording bad ki lad ki lynti la shim halor kane.
“Ka tnad ka la ai jingmut ia u Chief Technical Adviser bad ban pynjlan ia ka por shong thait jong u M. Bora, uba shong thait kum u dkhot ka Generation (MeECL) sa shi snem”, la ong u Mukul.
Ha kawei ka liang, ka kynhun myntri ka la rai ruh ban thung sa ar ngut ki non-bonded medical bad health officer ha ka jylla.
Nalor ki samla pule na jylla Meghalaya kiba la dep iasoi bad ka sorkar ban shakri ia ka jylla la donkam shuh shuh ia ka jingshakri jong ki doktor.
“Ngi la rai ban thung sa ar ngut ki doktor bym pule na ka bhah jong ka jylla ban shakri ia ka jylla”, la ong u Mukul.