Shilllong: Ki ar tylli ki kynhun ialehkai phutbol na kane ka thain mihngi ka India ka Aizawl FC bad ka NEROCA kim shym la lah ban iathep kol ha ka jingiakhun jong ka lumpung i-league kaba long mynta ka sngi ha madan Rajiv Gandhi stadium ha Manipur.
Ka jingialehkai naduh ba sdang ka la iakhaid bha hapdeng kine ki ar tylli ki kynhun ha kaba ka Aizawl ka la ioh bun ka lad ban pyrshang hynrei ka la pynitynnad shuh namar ba ka NEROCA ka la ioh ruh bun ki lad ban pyrshang ha ka kol hynrei kane kam shym la lah ban pynpei lyngba ban pynkhih ia ka jar.
Ka Aizawl bad ka NEROCA ki kamai mar 2 point na ki lai sien ialehkai ha kane ka lumpung ba mynta ka kynti. Ka Aizawl ka la rem ha ka Shillong Lajong hynrei ka iakhaid bad ka Mohun Bagan da 2-2 . Katba ka NEROCA ka rem ha ka East Bengal hynrei ka iakhaid bad 1-1 bad ka Gokulam Kerala FC.
Ki nongialehkai ba mih madan na ka NEROCA mynta ka sngi ki long: Mauro Boerchio, Eduardo Ferreira, Varen Kallon, Ashok Singh, Malemngamba Meitei, Biaklian Paite, Aryn Williams, Ronald Singh, Sebastian Thangmuansang, Jerry Onesemas, Felix Chidi.Katba ki nongialehkai ha ka thup ba nyngkong ki 11 ngut kaAizawl ki long: Gurpreet Singh, Govin Singh, Kareem Omoloja Nurain, Bektur Talgat Ulu, Lalrinfela, Hmingthan Mawia, Vanlalduatsanga, Alfred Jaryan, Albert Zohmingmawia, Ansumana Kromah, Lalkhawpuimawia.