Jorhat: La iathuh ba U Pastor, uba na Nagaland, uba don 60snem ka rta, ula shah kem ha ka Lah Sngi U Blei, na ka daw, ba u bat bor ia ka khynnah kaba dang 10snem ka rta ha Karbi Anglong. Ki pulit, ki la kem ruh ia uwei u briew, uba 35snem ka rta, namar ba u dang ring dur ia katei ka jingjia baroh kawei bad u sa buh ha social media.
Utei U Pastor, u dei U Chandra Kumar Pradhan bad la iathuh, ba ula khot ia katei ka khynnah sha kawei ka kper, kaba don hajan iing jongu, ha ka 29tarik Risaw bad hangta u sa bat bor ia ka bad phet bak na katei ka jaka. Katei ka khynnah, kam shym la iathuh ia la ki kmie ki kpa, ha ka sngi jong ka jingjia, hynrei, ka iathuh ha ka 31tarik Risaw.
Ki pulit, ki la iai wad ia utei U Pastor bad ki la ioh kem na kawei ka hotel ha Kohima jong ka Nagaland, ha ka Lah Sngi U Blei.