Ka Tottenham, ka la pynliem ia ka PSV da 2-1, ha ka jingialehkai Champions League hynnin ka miet, da kaba ka ioh thep 2-1. La ioh thep ia ki kol na ka liang jong ka Tottenham da U Hary Kane, ha ka minit kaba 78 bad ka minit kaba 89 jong ka jingialehkai, katba ia ka PSV da U De Jong, ha ka minit kaba 2 jong ka jingialehkai.
U Luis Suarez, u snar jong ka Barcelona, um shym la lah ban ialehkai bha ha ka miet Sngi Hat Majai.
Ha kawei pat ka jingialehkai ka Liverpool, ka la shah rem ha ka Red Star Belgrade da 2-0, ha kaba la thep ia ki kol da Pavkov, ha ka minit kaba 22 bad kaba 29 jong ka jingialehkai.
Ka Atletico Madrid ka la pynliem ia ka Dortmund da 2-0 ha ka jingialehkai hynnin ka miet, ha kaba la ioh thep ia ki kol da U Saul ha ka minit kaba 33 bad U Griezman ha ka minit kaba 80.
Ha kawei pat ka jingialehkai ka PSG, ka la ia khaid da mar shi kol, ha ka jingiakhun pyrshah ia ka Napoli da 1-1, ha kaba la thep ia ka kol da U Insigne, ha ka minit kaba 62 na ka liang jong ka Napoli, katba na ka liang jong ka PSG, la ioh thep da U Bernart ha ka minit kaba 45+2.
Ka Barcelona, ka la ia khaid da 1-1 ha ka jingiakhun pyrshah ia ka Inter Milan, ha kaba U Icardi, ula ioh thep ia ka kol ha ka minit kaba 87, katba U Malcolm, ula ioh thep ia ka kol ha ka minit kaba 83.