Shillong:Ka lumpung ialehkai phutbol jong ki kolej ka skulbah ka NEHU kaba ju ai kyrteng kum ka NEHU Inter College Football (Men) Tournament 2018 ka la sdang myn hynnin ka sngi ha madan NEHU Permanent campus, Shillong ba la pyniaid da ka Sports Department ka North Eastern Hill University. Baroh ki don 25 tylli ki kolej ba iashim bynta ha kane ka jingialehkai.
Ia ka jingialehkai la plie da u Dean, Students welfare, NEHU u Prof. S. Umdor.
Ha ka jingialehkai ba nyngkong, ka NEHU, Tura ka la pynliem ia ka St. Anthony’s Extension da 4-2 da ka shut bol ne tie breaker.
Ha ka jingialehkai baar, ka NEHU, Shillong ka la pynliem ia ka Ri- Bhoi Colleges da 5-0 bad ha ka jingialehkai kaba lai, ka Seng Khasi College ka la shah pynliem ha ka St. Francis D’ Assisi College, Nongstoin da 5-4 da ka shut bole ne tie breaker.
Lashai ka sngi, ka jingialehkai kan long hapdeng ka Balawan College versus B.B.S College, Nongtalang College versus Mendipathar College bad ka Synod College versus NEHU, Tura.