Pahara jur ban rakhe ia ka Republic Day mynta

Shillong, 25 K’lyngkot:
Ki bor synshar ki District ki la pynlong ia ka jingpeitngor ba peit ban pynthikna ba ka jingrakhe ia kane ka sngi kaba khraw Republic Day lashai kan long kaba iaid beit iaid ryntih khlem da don kano kano ka jingpynthud.
Ha ryngkat bad ka Ri baroh kawei ka jylla Meghalaya ruh kala dep ban pynkhreh ban rakhe ia ka Republic Day kaba 64th ha madan Polo la shai ka sngi, ha kaba u Lat jong ka jylla yn sa kyntiew ia ka lalam jong ka Ri India.
Ki pulit kila pynlong ia ka jingkhynra ia ki kali kiba iaid ba ieng khatam ia ki kali kiba rung ha kane ka nongbah Shillong na baroh ki liang ban peit ba ki dkhot jong ka seng HNLC kim dei ban ioh lad ban thaw jingkulmar.
Ha ka juh ka por, ka sorkar kala kyrpad ia ki paidbah ba kin sngewbha ban ia mih paidbah ban leit ia shim bynta ha ki jaka rakhe ia kane ka sngi kaba khraw ba dei ha kane ka sngi ba la ioh ia ka riti synshar jong ka Ri.
Ka sorkar ka la kyntu ia ki paidbah ba kim dei ban shah skhor ia ka jingkhot pakhang shnong jong ka seng HNLC ka seng kaba la niew beain da ka sorkar.