Ka Meghalaya ka jylla, ba nyngkong, ba bun ki nongthep vote

Shillong, 25K’lyngkot:
U Chief Electoral officer ka jylla u P.K Naik haba kren ha ka jingrakhe ia ka sngi ki nongthep vote ne ka National Voter’s Day kaba la rakhe mynta ka sngi ha u SoSo Tham Auitorium, u la pynpaw ia ka jingsngew sarong ha kaba ka jylla Meghalaya ka la ioh bat ia ka kyrdan kaba nyngkong eh ha ka ri haba ia khein ia ka jingwan poi thep ki nongthep vote kiba don ha ka Electoral Roll, “Nga sngew sarong ba ka jylla ka lah ban poi haduh 100 na ka shispah ha ka jingthep vote ha ki elekshon ba la dep bad ka la ioh kum ka jylla kaba nyngkong eh ban poi bun tam ki nongthep vote katkum ki kyrteng ba la rung ha ka electoral roll’ ong u Naik.
Lah ban lkdew ba ha ka elekshon MLA ba la dep ki la don haduh 88% ki nongtheo vote kiba pyndep ia ka hok jong ki ban thep vote, katba ha ka elekshom MP ba la dep pat ki la poi haduh 64% , u Naik u la ong ba mynta ka sien ha ka MP elekshon u don ka jingkyrmen ba skhem ba ka jylla kan poi sha ka 70 na ka shispah ha ka jingpoi ki nongthep vote. U Naik u la kyntu ruh ia baroh ki paidbah ba kim dei ban pynlehnohei ia ki vote jong ki hynrei ki dei ban pyndep ia ka hok kaba la bynshet ha ki ban jied ia u nongmihkhmat da ka mon lajong.
Ha katei ka sngi rakhe ia ka sngi thep vote la ioh ruh ki jingkren na u P C Pant u Chief justice ka Meghalaya ha kaba ma u ruh u la kyntu ia ki paidbah ba ki dei ban ia mih ryntih ban pyndep ia ka hok jong ki ban thepe Vote.