Byrngem pyniap ialade u heh Congress, lada ym pynhiar bai light

Shillong,25 K’lyngkot:
U Heh Congress uba long ruh u General Secretary ka AICC u Sanjay Nirupam mynta ka sngi saitjaian u la byrngem ban pyniap ialade lada jia ba ka jingdawa jong u kam poi shano shano ruh. Haba kren sha ki nongthoh khubor ha bar jong ka ophis ka Reliance Energy kaba don ha Kandivali, ka jaka ba utei u nongia lam Congress u la pynlong ia ka jingshah thngan , u la ong ba un sa pyniap ialade habar jong ka ing sah jong u heh ka Reliance ADA group u Anil Am bani’.
U Nirupam u la kwah ba u Myntri Rang bah ka Maharashtra u Prithviraj Chavan un pynbna ia ka jingphah tohkit lane pan jingkhein na baroh ki kompanai kiba pyniaid bording ha Mumbai. U la ong ba mynta ka sngi ka dei ka sngi kaba lai jong ka jingiakhih jong u bad kam don jingktah eiei ha ka jingkoit jingkhiah jong u.
La ong ba u Mohammed Arif Naseem Khan, president ka Congress na Mumbai u Janardhan Chandurkar bad kiwei pat ki nongialam ba ha khmat kum u Kripashankar Singh ki la leit ban ia kynduh ia u Nirupam ha ka jaka ba u la pynlong ia ka jingshah thngan bad ki la kular ban ai ka jingkyrshan ia u. La iathuh ruh ha ki pad pathai khubor ba ka sorkar ka la pynlait ia ka Mumbai na ka 20% ka jingsiew na ka bynta ki paidbah kiba pyndonkam light tang ha ing, ki karkhana bad katei ka rai ka long ruh ban pynduna ia ka jingsiew ki paidbah kiba pyndonkam ia ka bording duna ia ka 300 unit.