11 hajar ki nongthep vote thymmai

Shillong, 25 K’lyngkot:
Tang ha East Khasi Hills, ki don haduh palat 11 hajar ngut ki nongthep vote thymmai.
“Baroh ki don 11, 488 ngut ki nongthep vote thymmai katkum ka jing pynrung thymmai na ki 644 tylli ki jaka thep vote ne polling station kiba don ha district ki la wan ban bam smai ha ka sngi thep vote hynne ka sngi ba la pynleh da ki booth level officers (BLOs) ha ka jingialang kaba long ha ki bynta bapher bapher jong ka district”, la ong u Deputy Commissioner u Sanjay Goyal.
Ha Shillong, u Goyal u la pyniaid ia ka jingkular ki nongthep vote sha ki’ ophisar, BDOs, principal jong ki kolej, ki enumerator bad ki nongtrei jong u DC ha ka prokram kaba long ha DC’s conference hall.
Ha kane ka prokram, ia ka khubor na u V Sampath u Chief Election Commissioner, la pyni da ka audio-video, bad audio-video ha NVD ba la leh da Dalariti Nongpiur bad ka kynhun jongka, la pynlait ha kane ka por. La sam ruh ia ki khusnam sha ki nongjop ha ki jingiakop ba la pynlong da ka ophis jong u Deputy Commissioner, Shillong ban pynkhreh ia ka National Voters Day, kum ka airong, dro dur na ka bynta kiba heh bad kiba rit, ka iakop kyntip, bad ka jingiatainia.